Friday, December 24, 2010

Christmas Eve 2010.



A Man's a Man for A' That

Is there for honesty poverty
That hings his head, an' a' that;
The coward slave - we pass him by,
We dare be poor for a' that!
For a' that, an' a' that,
Our toils obscure an' a' that,
The rank is but the guinea's stamp,
The man's the gowd for a' that.

What though on hamely fare we dine,
Wear hoddin grey, an' a' that?
Gie fools their silks, and knaves their wine,
A man's a man for a' that.
For a' that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.

Ye see yon birkie ca'd a lord,
Wha struts, an' stares, an' a' that;
Tho' hundreds worship at his word,
He's but a coof for a' that.
For a' that, an' a' that,
His ribband, star, an' a' that,
The man o' independent mind
He looks an' laughs at a' that.

A price can mak a belted knight,
A marquise, duke, an' a' that;
But an honest man's aboon his might,
Gude faith, he maunna fa' that!
For a' that, an' a' that,
Their dignities an' a' that,
The pith o' sense, an' pride o' worth,
Are higher rank than a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
That man to man, the world o'er,
Shall brithers be for a' that.

Robert Burns

4 comments:

soulful sepulcher said...

Merry Christmas Herrad and Richie!!!

Herrad said...

Hi Stephany,
Thanks also for coming by.
Merry Christmas to you too.
Big hugs.
Love,
Herrad

Lisa Emrich said...

Merry Christmas!! Hope you and Richie have a fantastic day.
Much Love, Lisa

Herrad said...

Hi Lisa,
Thanks we had a pleasant day, hope you did too.
Thanks for coming by.
Love,
Herrad